ازازى اروح من طلعت المعادى الدائرى الى الكيلو 21 العجمى شاطى النخيل ؟؟؟؟؟؟؟؟؟؟؟؟
ازازى اروح من طلعت المعادى الدائرى الى الكيلو 21 العجمى شاطى النخيل ؟؟؟؟؟؟؟؟؟؟؟؟
اللى انا فاكره من اخر مره
انك هتمسك الدائرى لحد نزله الصحراوى ومن نزلة الصحراوى على اسكندريه وبعد بوابة اسكندريه هتدخل دولى ومن الدولى هيبقى سهل انك تنزل الكيلو 21
بصراحه السكه متلغبطه فى دماغى بس عمومآ لو معاك موبيل فى خرايط جوجل استعين بيه بينقذنى فى مواقف صعبه بصراحه
وان شاء الله باقى الشباب يشروح الطريق بشكل افضل
تطلع الدائرى اتجاه المريوطيه للاخر >
هتلاقى نزله المريوطيه على اليمين و الصحراوى على الشمال .. امسك الشمال للاخر >
هتلاقى نزله يمين و كوبرى شمال > اطلع الكوبرى و انزل و امشى لغايه اعلان دريم و انزل الفتحه اليمين ..انت كده على الصحراوى (خلى بالك المنزل اليمين صغير و فى ناس متخدش بالها منه )
== اطلع من بوابات القاهره و بعد ما توصل بوابات اسكندريه امشى هادى بعد البوابات
لغايه ما تلاقى ماكدونالدز و بنزينه موبيل (على شمالك فى الطريق العكس ) تاخد اول يوترن شمال و تمسك يمين و تنزل اول نزله يمين هتقابلك (قبل ما توصل لماكدونالدز ) للاخر
انت كده فى الكيلو 21 >>يمين هتلاقى النخيل ...... شمال طريق الساحل و مطروح
للاسف انا حافظ الطريق بالشبه و معرفش اسماء الطرق
توصل بالسلامه ان شاء الله
الله يسلامك وشكرا ليك بسى ياريت حد يوضحلى اكتر حتت الدائرى من طلعت المعادى الى نزلت الصحراوى ؟؟؟؟؟؟
حضرتك هتطلع الدائرى من المعادى هتعدى نزله البحر الاعظم وتكمل هتلاقى نزله يمين مكتوب عليها فيصل او الهرم سيبك منها وكمل فى الشمال لحد اما تبقى على الدائرى التانى يعنى هتعدى وصلة (محور)المريوطيه وتفضل ماشى على الدائرى هتعدى من عند محور صفت وبعدين هتلاقى نزلة المحور (محور26يوليو)هتنزل النزله وتاخد المحور وتنزل نزلة الصحراوى وعلى طوووووووول فى الصحراوى لحد الكيلو 42 او 43 هتلاقى بوابات اسكندرية هتعدى البوابات وتمشى حوالى 20 كيلو كمان وتاخد تالت يوتيرن واول ما تلف هتلاقى دخله يمين دى دخله الكيلو 21 والعجمى
خلى بالك عشان فى 2 يوتيرن قبل اللى انت هتلف منه
1-اول واحد ملف عادى كأنك هتلف وترجع
2-تانى ملف للى رايح برج العرب برضه فى دخله يمين بعد اليوتيرن على طول
3-حضرتك هتاخد تالت ملف وتدخل يمين وعلى طول بقى هتلاقى كوبرى بالعرض كده هتعدى من تحته وهتلاقى كوبرى تانى ماشى فى نفس الاتجاه هتطلعه وتنزل تكمل فى طريقك لحد ما تلاقى زحمه وفى موقف على يمينك ده موقف الكيلو 21 هتدخل يمين بقى بعد الموقف اقل من 5 دقايق هتبقى فى شاطئ النخيل
بس نصيحه لحضرتك انا اعرف ان شاطئ النخيل دخوله بكارنيه وخصوصا لو داخل بعربيه انما لو داخل على رجلك عادى تقدر تدخل مفيش مشكله
تمنياتى ليك برجلة سعيده
متخافشى معاية كارنية القرية واناشاء الله اوصل بسلامة وارجع تانى القاهرة واقولكم على رايى فى الطريق الصحراوى حلو ولا نص نص . واه صح ايه اخبار اللادرات الى فى الطريق ؟؟؟؟؟؟؟؟؟؟؟؟؟؟؟؟؟؟؟؟؟؟
مش عارف شغالين على طول ولا لا بس اخر مره كنت ع الطريق من شهر كان فى كمين رادار بعد ماستر بشوية
من بعد بوابات اسكندريه بحوالي 5 كيلوا حتلاقي يافطه صغيره بتقولك العجمي او الكيلوا 21
ودا حيكون تاني يوتيرن من بعد ما تنزل كوبري العامريه
اليوتيرن اللي قدام ماكدونالد دا حيوديك لطريق البرج لو غلطت واخدته يبقي في اخره تدخل شمال للاخر في يمين حتلاقي نفسك عند النخيل برضه
انما لو اخدت تاني يوتيرن بعد ماكدونالد حتدخل شمال وخد بالك ان الطريق الشمال قريب اوي من اليوتيرن
تاخده لاخره حتبقي في النخيل
والسرعه علي الصحراوي 100
ممكن تمشي لحد 200 براحتك طبعا
بس الرادارات من فرحتهم بيك حيصوروك ((:
لو فيه مشاكل في الوصفه كلمني وانت علي الطريق
01223145607